《由開Whatsapp group開始，已註定我愛上她》(37)
九曲十三彎後，她帶我步上後巷裡的一條樓梯，
在黑暗且擠迫的空間裡她仍捉緊我，
此時，原來平常幻想詩中美境的我，
頭腦入面竟然可以如此衣冠禽獸，
為免童話被色慾充斥，我主動鬆開她的手。
霖：做咩又停低唔行？
我：無...呢度有啲迫...我自己行得架喇...妳行先啦！
霖：唔...就快到架喇，係四樓。
我：嗯...
終於餐廳門口的黃燈泡照出的微弱暖黃色使我回復清醒。
霖：係呢度喇...係呢度喇....！唔該兩位！
她顯得興奮，看來她非常喜歡吃日本菜。
她走向老闆，說希望找一個靜一點的位置，
老闆帶我們在一角坐下，然後遞上兩杯綠茶。
這裡人不多，店舖面積不算大，只能容下數張四人桌，三張二人桌，
八時多的繁忙時間亦不客滿，只有一個家庭，
兩位OL，及幾位在打PSP的校服男孩。
不繁不忙，不知道味道如何，但卻是鬧市中的一個清泉地，
而且這個角落亦特別安寧，特別二人漫漫長談。
我和她面對面對坐，她坐對面的梳化卡位，我則坐在棕色木椅。
我：呢度好好食架？
霖：唔係特別好食，同普通日本野差唔多，但係我鍾意個環境...
我：妳想食咩啊？
霖：刺身船！海膽手卷，軟殼蟹，凡立貝......你岩唔岩食？
我：岩...是但得架喇...我咩都食既...
霖：好野！我要...加多個花之戀！你呢？你仲有冇野想加？
我：唔...加多個鰻魚飯...好唔好？
霖：點會唔好！你鍾意就得喇！
然後，那位笑面迎人的老闆細心的把我們點的菜寫在薄上。
沒有電視沒有手機，我們雙手放桌上，眼神相對，
但相對無言的尷尬氣氛令我更加不能自然的想出話題。
她也似乎未有想熱烈交談的意慾，只是看著我傻笑，
而她的笑令我找到切入點。
我：做咩望住我笑既？(硬開話匣子，氣氛更尷尬)
霖：無啊...無野...哈哈
我：係唔係我塊面有污糟野野？(老套)
霖：無啊，哈哈....哈哈...
我：咁做咩笑先得架...？(開始不知所措)
霖：野食黎啦！
我：......哦......
老闆：刺身船，慢慢享用。
霖：食野先！呢舊好新鮮，好厚啊，拿，俾你丫！
呼......終於捱過尷尬的氣氛，但面前的她卻好像很陌生，
她一向開心但未曾見過她會沒原因地一直傻笑，
她待我一向如知己但一直未及那麼溫柔......
到底......到底她對我的態度為何有如一晚白髮般的轉變，
這不尋常原來使我無所適從...
到底...我的身份？我的位置？
看著一直畏懼不敢放入口中的魚生，為了她，我願意再嘗一口....
我忍著魚腥味...我忍著滑潺潺的質感，咬幾口，
把整塊一吞...由喉嚨直溜到胃，
呼......唔......胃傳來一陣嘔吐感...
我：我唔得喇...！我唔得喇...老闆，廁所係邊？
老闆一臉茫然的指向左前方，
我飛奔廁格，重演兒時畫面。
我一直嘔......一直嘔......到底......這份等待...嘔嘔...值得嗎？
而所放棄的又是正確的選擇嗎...？
嘔......我真的會是個幸運兒嗎...？
「喂？你有冇無事...？」
「無...嘔嘔...妳番.....嘔...去坐低等我得架...喇」
Search